ଆର୍ଥିକ ପ୍ୟାକେଜ ନେଇ ସୂଚନା ଦେବେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ

୨୦ଲକ୍ଷ କୋଟିର ଆର୍ଥିକ ପ୍ୟାକେଜରେ କେଉଁ ସେକ୍ଟରକୁ ମିଳିବ କେତେ ? ଅପରାହ୍ନ ୪ଟାରେ କେନ୍ଦ୍ର ଅର୍ଥମନ୍ତ୍ରୀଙ୍କ ପ୍ରେସ୍‌ମିଟ୍‌
ନୂଆଦିଲ୍ଲୀ ଆଜି ଅପରାହ୍ନରେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ପ୍ରେସ୍‌ମିଟ୍‌ । କେନ୍ଦ୍ର ସରକାରଙ୍କୁ ପକ୍ଷରୁ ଗତକାଲି ଘୋଷଣା କରାଯାଇଥିବା ଆର୍ଥିକ ପ୍ୟାକେଜ୍‌ ନେଇ ସିବଶେଷ ତଥ୍ୟ ରଖିବେ ସୀତାରମଣ । ଆଜି ଅପରାହ୍ନ ୪ଟାରେ ଏହି ପ୍ରେସ୍‌ମିଟ କରିବେ ବୋଲି ଜଣାପଡିଛି । ମଙ୍ଗଳବାର ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶର ବିଭିନ୍ନ କ୍ଷେତ୍ର ପାଇଁ ୨୦ଲକ୍ଷ ଟଙ୍କାର ଆର୍ଥିକ ପ୍ୟାକେଜ୍‌ ଘୋଷଣା କରିଥିଲେ । ଏବଂ ସେହି ପ୍ୟାକେଜ୍‌ ବିଷୟରେ ବୁଧବାର ଦିନ ଅର୍ଥମନ୍ତ୍ରୀ ଦେବେ ବୋଲି ମଧ୍ୟ ସୂଚନା ଦେଇଥିଲେ ।

ଆର୍ଥିକ ପ୍ୟାକେଜ ନେଇ ସୂଚନା ଦେବେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ । ଅପରାହ୍ନ ୪ଟାରେ ପ୍ରେସମିଟରେ ସୂଚନା ଦେବେ ନିର୍ମଳା ସୀତାରମଣ!!

କେଉଁଠୁ ଆଣିବେ ସରକାର ୨୦ ଲକ୍ଷ କୋଟି, କ’ଣ ରହିଛି ଗଣିତ!!

ଦେଶର ଅର୍ଥନୀତିରେ ଗତି ପ୍ରଦାନ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଙ୍ଗଳବାର ସନ୍ଧ୍ୟାରେ ଏକ ସ୍ୱତନ୍ତ୍ର ଅର୍ଥନୈତିକ ପ୍ୟାକେଜ୍‌ ଘୋଷଣା କରିଛନ୍ତି । ମଙ୍ଗଳବାର ଦେଶକୁ ସମ୍ବୋଧିତ କରିବାବେଳେ ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ, ସରକାରଙ୍କ ଦ୍ୱାରା ନିଆଯାଇଥିବା ନିଷ୍ପତ୍ତି ଏବଂ ରିଜର୍ଭ ବ୍ୟାଙ୍କର ଘୋଷଣାକୁ ମିଶାଇ ଏହି ପ୍ୟାକେଜ୍ ପ୍ରାୟ ୨୦ ଲକ୍ଷ କୋଟି ଟଙ୍କାର । ଏହା ଦେଶର ଜିଡିପିର ପ୍ରାୟ ୧୦ ପ୍ରତିଶତ ଅଟେ । ଅର୍ଥମନ୍ତ୍ରୀ ନିର୍ମଳା ସୀତାରମଣ ଏହି ପ୍ୟାକେଜ୍‌ ବିଷୟରେ ବିସ୍ତୃତ ବିବରଣୀ ଦେବେ । କିନ୍ତୁ ପ୍ରଶ୍ନ ଉଠୁଛି ଯେ, ଏହି ଅର୍ଥନୈତିକ ପ୍ୟାକେଜ୍ ପାଇଁ ସରକାର କେଉଁଠୁ ଏତେ ପରିମାଣର ଟଙ୍କା ଆଣିବେ । ତେବେ ଏହା ପଛରେ ଏକ ଗଣିତ ରହିଛି ? ଆସନ୍ତୁ ଜାଣିବା!!

¶ ନିକଟରେ ଜାପାନର ବ୍ରୋକ୍‌ରେଜ୍‌ ସଂସ୍ଥା ନୋମୁରା କହିଥିଲା ଯେ, ସରକାର ଯଦି ବଜାରରୁ ୧୨ ଲକ୍ଷ କୋଟି ଟଙ୍କାର ଋଣ ନେଉଛନ୍ତି, ତେବେ ସରକାରୀ ରାଜ କୋଷରେ ୫.୫୬ ପ୍ରତିଶତ ଘାଟା ହେବ । ଯେଉଁ ସମୟରେ କି ସରକାର ୩.୫ ପ୍ରତିଶତ ରହିବା କଥା ଚିନ୍ତା କରିଛନ୍ତି । ଏହି ଆର୍ଥିକ ନିଅଣ୍ଟ ହ୍ରାସ କରିବା ସରକାରଙ୍କ ପାଇଁ ଏକ ବଡ ଆହ୍ୱାନ୍‌!!

¶ ତେବେ ଏଥିପାଇଁ ବିଭିନ୍ନ ପଦକ୍ଷେପ ମଧ୍ୟ ନିଆଯାଉଛି । ଉଦାହରଣ ସ୍ୱରୂପ, ପେଟ୍ରୋଲ ଏବଂ ଡିଜେଲ ଉପରେ ଟିକସ ବୃଦ୍ଧି କରିବା ଦ୍ୱାରା ୧.୪ ଲକ୍ଷ କୋଟି ଟଙ୍କା ସରକାରୀ ରାଜକୋଷ ବଢ଼ିବ । ବିଶେଷଜ୍ଞଙ୍କ ଅନୁଯାୟୀ ବଜାରରେ ଅଶୋଧିତ ତୈଳ ଦରରେ ଐତିହାସିକ ହ୍ରାସ ଘଟିଛି, ଏଭଳି ପରିସ୍ଥିତିରେ ସରକାରଙ୍କୁ ଟିକସ ବଢ଼ାଇବା ସହଜ ହୋଇଛି!!

¶ କରୋନା ସଙ୍କଟରେ ରିଜର୍ଭ ବ୍ୟାଙ୍କ ମଧ୍ୟ ସରକାରଙ୍କୁ ସାହାଯ୍ୟ କରିବ। ଅତୀତରେ, ନ୍ୟୁଜ୍ ଏଜେନ୍ସି ରଏଟର୍ସ ପକ୍ଷରୁ କୁହାଯାଇଥିଲା ​​ଯେ କେନ୍ଦ୍ର ସରକାର ରିଜର୍ଭ ବ୍ୟାଙ୍କଠାରୁ ୪୫ ହଜାର କୋଟି ଟଙ୍କା ସହାୟତା ମାଗିବାକୁ ପ୍ରସ୍ତୁତ ହେଉଛନ୍ତି । ରଏଟର୍ସ ଖବର ଅନୁଯାୟୀ ରାଜସ୍ୱ ବୃଦ୍ଧି ପାଇଁ ସରକାର ଏହି ପଦକ୍ଷେପ ନେବାକୁ ଯାଉଛନ୍ତି!!

¶ ଆରବିଆଇ ମୁଖ୍ୟତଃ ମୁଦ୍ରା ଏବଂ ସରକାରୀ ବଣ୍ଡା ଟ୍ରେଡିଂ କରି ଫାଇଦା ପାଇଥାଏ । ଆରବିଆଇ ଏହି ରୋଜଗାରର ଏକ ଅଂଶକୁ ଏହାର ଅପରେଟିଂ ଏବଂ ଜରୁରୀକାଳୀନ ପାଣ୍ଠି ଭାବରେ ପରିଚାଳନା କରିଥାଏ । ଏହା ପରେ ଅବଶିଷ୍ଟ ରାଶି ଡିଭିଡେଣ୍ଡ ଭାବରେ ସରକାରଙ୍କ ନିକଟକୁ ଯାଇଥାଏ!!

ସରକାର ଋଣ ନେଉଛନ୍ତି…

¶ ବାସ୍ତବରେ ସରକାର ଚଳିତ ଆର୍ଥିକ ବର୍ଷ ପାଇଁ ବଜାରରୁ ୧୨ ଲକ୍ଷ କୋଟି ଟଙ୍କାର ଋଣ ନେବାକୁ ଯୋଜନା କରିଛନ୍ତି । ଗୁରୁତ୍ୱପୂର୍ଣ୍ଣ କଥା ହେଉଛି ସାଧାରଣ ବଜେଟରେ ଏହାର ଲକ୍ଷ୍ୟ ୭.୮ ଲକ୍ଷ କୋଟି ଟଙ୍କା ରହିଥାଏ । ତେଣୁ ଏହାର ଅର୍ଥ ହେଉଛି ଚଳିତ ବର୍ଷ ସରକାର ଅତିରିକ୍ତ ୪.୨ ଲକ୍ଷ କୋଟି ଟଙ୍କାର ଋଣ ନେବେ । ନିକଟରେ ସରକାର ଏହା କହିଥିଲେ ଯେ କରୋନା ସଙ୍କଟ ଯୋଗୁଁ ଋଣ ଲକ୍ଷ୍ୟ ବୃଦ୍ଧି କରିବା ଆବଶ୍ୟକ ଥିଲା । ପ୍ରଥମ ୬ମାସ ମଧ୍ୟରେ ମାର୍କେଟରୁ ବଣ୍ଡ ମାଧ୍ୟମରେ ୬ ଲକ୍ଷ କୋଟି ଟଙ୍କା ସଂଗ୍ରହ କରାଯିବ । ଏହି ଅର୍ଥ କରୋନାରୁ ଅର୍ଥନୀତିକୁ ବଞ୍ଚାଇବା ପାଇଁ ଖର୍ଚ୍ଚ ହେବ!!