Odia poem Malikaa Bachana

ମାଳିକା ବଚନ

malika
Reading Time: < 1 minute

ଦିବ୍ୟଦୃଷ୍ଟି ବଳେ ଅଚ୍ୟୁତାନନ୍ଦ ସେ
ଲେଖିଛନ୍ତି ଭାଷା ନିଜ,
ମାଳିକା ବଚନ ମହାପୁରୁଷଙ୍କ
ଗଣନା ଫଳିଲା ଆଜ ।
ଶହ ଶହ ବର୍ଷ ପୁରୁଣା ଭବିଷ୍ୟ
ବାଣୀ ହେଲା ଏବେ ସତ,
ମହାମାରୀ ଘୋଟି ପୋକମାଛି ପରି
ଲୋଟିବେ ହେ ଦାଣ୍ଡେ ଶତ ।
ଉତ୍ତରୁ ବହିବ ହେମାଳ ପବନ
ପାରିବ କେ ତାକୁ ସହି,
ଦୟା ଓ ଧରମ ଲୁଚିବ ସଂସାରୁ
ହିଂସାରେ ବୁଡିବ ମହୀ ।
ଭୈରବ ଡାକିବ ଭୂତାଣୁ ରୂପରେ
ଅଦୃଶ୍ୟ ତାହାର ରୂପ,
ଅଚିହ୍ନା ବ୍ୟାଧି ଯେ ଘୋଟିବ ସଂସାରେ
ଭାରାକ୍ରାନ୍ତ ହେବ ପାପ ।
ବୈଦ ନଜାଣିବେ ନିଦାନ ଓଷୁଅ
ହୋଇଯିବେ ବାଟବଣା,
ତ୍ରାହି ତ୍ରାହି ବୋଲି ରଡିବେ ଜନତା
ଦୂରେଇବେ ଚିହ୍ନା ଜଣା ।
ଆତଙ୍କ ଭୟରେ ରଖିବେ ଦୂରତ୍ବ
ଅସ୍ଥିର ରହିବ ମନ,
ପରିବାର ସହ ଗୃହେ ବନ୍ଦୀ ହେଇ
ରହିବେ ସକଳ ଜନ ।
ବଳଦ ପରାଏ ମୁଖେ ତୁଣ୍ଡି ବାନ୍ଧି
ରହିବାକୁ ହେବେ ବାଧ୍ୟ,
ବିପଦେ ଆପଦେ ନଦେଖିବେ ମୁହଁ
ବନ୍ଧୁ ସ୍ବଜନଙ୍କ ମଧ୍ୟ ।
ଧର୍ମ ଆଖିଠାର ଅଧର୍ମରୁ ଲୋଭ
ଲୋଭରୁ ପାପର ଜନ୍ମ,
ଜିଇଁ ଥାଉ ଥାଉ ଚେତ ସୁଧୀଜନେ
ଭଜୁଥାଅ ହରି ନାମ ,
ଭଜୁଥାଅ ହରି ନାମ ।

Recommended For You

About the Author: Utkal Odisha

Utkal Odisha brings the best of analysis, articles, data, information, insights, news, opinions, stories and views in English and in Odia language.
0 0 votes
Article Rating
Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x