କଳାହାଣ୍ଡିର ବିରଳ ଛତରଯାତ୍ରାରେ ପଶୁବଳି ନିଷେଧ ମାମଲା

UO Article
Reading Time: < 1 minute

କଳାହାଣ୍ଡିର ବିରଳ ଛତରଯାତ୍ରାରେ ପଶୁବଳି ନିଷେଧ ମାମଲା; ହାଇକୋର୍ଟର ନିର୍ଦ୍ଦେଶ ଉପରେ ସୁପ୍ରିମ କୋର୍ଟଙ୍କ ରହିତାଦେଶ

ଭବାନୀପାଟଣା: କଳାହାଣ୍ଡି ଜିଲ୍ଲାର ଭାବାନୀପାଟଣା ଠାରେ ଥିବା ମାଁ ମାଣିକେଶ୍ୱରୀ ଦେବୀଙ୍କ ପ୍ରସିଦ୍ଧା ଛତରଯାତ୍ରା ସମୟରେ ପଶୁବଳି ନିଷେଧ କରିବା ନେଇ ୨୦୧୭ ମସିହାରେ କଟକର ଜଣେ ସମାଜସେବୀ ଜୟନ୍ତୀ ଦାସଙ୍କ ଦ୍ୱାରା ଆଗତ ଜନସ୍ୱାର୍ଥ ମାମଲାରେ ଓଡିଶା ହାଇକୋର୍ଟ ୨୦୨୦ ମସିହା ଜାନୁୟାରୀ ୬ ତାରିଖରେ ଛତର ଯାତ୍ରାରେ ପଶୁବଳି ଉପରେ ନିଷେଧାଦେଶ ଜାରି କରିଥିଲେ।

ତେବେ ଏହି ଆଦେଶ ବିରୋଧରେ ଭବାନୀପାଟଣାର ସମାଜସେବୀ ଭବନୀଶଙ୍କର ନିଆଲ ସୁପ୍ରିମ୍‍କୋର୍ଟରେ ଏକ ସ୍ପେଶାଲ ଲିଭ୍‍ ପିଟିସନ ଦାଖଲ କରିଥିଲେ। ଏହାର ଶୁଣାଣି କରି ହାଇକୋର୍ଟଙ୍କ ପୂର୍ବ ଆଦେଶ ଉପରେ ସୁପ୍ରିମକୋର୍ଟ ମଧ୍ୟବର୍ତ୍ତି କାଳିନ ରହିତାଦେଶ ଜାରି କରିଛନ୍ତି।

ପଶୁବଳି ବିଷେଧ ନେଇ ହାଇକୋର୍ଟଙ୍କ ଆଦେଶ ବିରୋଧରେ ସମାଜସେବୀ ଶ୍ରୀ ନିଆଲ ସୁପ୍ରିମ୍‍କୋର୍ଟରେ ଏକ ସ୍ପେଶାଲ ଲିଭ୍‍ ପିଟିସନ ଦାଖଲ କରିଥିଲେ। ସେ ତାଙ୍କ ଆବେଦନରେ ଦର୍ଶାଇଥିଲେ ଯେ, ଛତର ଯାତ୍ରା ସଂପର୍କରେ ଓଡିଶା ହାଇକୋର୍ଟରେ ଜୁନସ୍ୱାର୍ଥ ମାମଲା ଦାଖଲ କରିଥିବା ଜୟନ୍ତୀ ଦାସ କଳାହାଣ୍ଡିର ବାସିନ୍ଦା ନୁହନ୍ତି କିମ୍ବା ଛତରଯାତ୍ରା ସଂପର୍କରେ କୌଣସି ଧାରଣା ନାହିଁ। କଳାହାଣ୍ଡିବାସୀଙ୍କର ଧାର୍ମିକ ବିଶ୍ୱାସ ଓ ଶହଶହ ବର୍ଷର ପ୍ରଥା ଓ ପରମ୍ପରା ମଧ୍ୟରେ ହାଇକୋର୍ଟ ହସ୍ତକ୍ଷେପ କରି ଯାତ୍ରା ସମୟରେ ପଶୁବଳି ଉପରେ ନିଶେଧାଜ୍ଞା ଜାତି କରିଛନ୍ତି।

ତେବେ ହାଇକୋର୍ଟ ଏ ସଂପର୍କରେ କଳାହାଣ୍ଡିର କୌଣସି ବାସିନ୍ଦା କିମ୍ବା ଭକ୍ତଙ୍କ ମତାମତ ନନେଇ ଏଭଳି ଏକ ନିଷେଧାଜ୍ଞା ଜାରି କରିଛନ୍ତି। ଚଳିତ ଅକ୍ଟୋବର ୧୭ ତାରିଖରୁ ମାଣିକେଶ୍ୱରୀଙ୍କ ଶାରଦୀୟ ଦଶହରା ଉତ୍ସବ ଆରମ୍ଭ ହେଉଥିବାରୁ ଏହି ଆବେଦନକୁ ଶୀଘ୍ର ଶୁଣାଣି କରି ମାଣିକେଶ୍ୱରୀ ମନ୍ଦିରରେ ଶହ ଶହ ବର୍ଷ ଧରି ପ୍ରଥା ଓ ପରମ୍ପରା ଭାବରେ ଚାଲି ଆସିଥିବା ପୂଜା ନୀତି ପାଳନ କରିବା ପାଇଁ ଅନୁମତି ଦେବାକୁ ସୁପ୍ରିମକୋର୍ଟଙ୍କ ନିକଟରେ ଏକ ମଧ୍ୟବର୍ତ୍ତି କାଳିନ ଆଦେଶ ଦେବା ନିମନ୍ତେ ପ୍ରାର୍ଥନା କରିଥିଲେ। ମାନ୍ୟବର ସୁପ୍ରିମକୋର୍ଟଙ୍କ ମୁଖ୍ୟ ବିଚାରପତି ସମେତ ଜଷ୍ଟିଷ ଏ ବୋପାନ୍ନା ଓ ଜଷ୍ଟିଷ ଭି ରାମଶୁଭ୍ରମଣ୍ୟମଙ୍କୁ ନେଇ ଗଠିତ ତିନିଜଣିଆ ଖଣ୍ଡପିଠ ଏହି ସ୍ପେଶାଲ ଲିଭ ପିଟିସନର ଶୁଣାଣି କରି ହାଇକୋର୍ଟଙ୍କ ପୂର୍ବ ଆଦେଶ ଉପରେ ମଧ୍ୟବର୍ତ୍ତି କାଳିନ ରହିତାଦେଶ ଜାରି କରିଛନ୍ତି।

ଆବେଦନକାରୀଙ୍କ ପକ୍ଷରୁ ସୁପ୍ରିମକୋର୍ଟରେ ଆଇନଜୀବୀ ସୁକୁମାର ପଟ୍ଟଯୋଷୀ, କିରଣ କୁମାର ପାତ୍ର, ସୁନୀଲ କୁମାର ମୁଣ୍ଡ, ସଞ୍ଜୀବ ଯୋଷୀ, ସନ୍ଦିପ ମହାପାତ୍ର ଓ ବିଶ୍ୱଜିତ କୁମାର ପାତ୍ର ମାମାଲା ପରିଚାଳନା କରୁଥିଲେ।

 

ନୂଆ ଏନ୍‌ଏସି ପାଇଁ ପ୍ରସ୍ତାବ…

Recommended For You

About the Author: Utkal Odisha

Utkal Odisha brings the best of articles, news, and views in English and Odia.

Leave a Reply

Your email address will not be published. Required fields are marked *

Human Verification: In order to verify that you are a human and not a spam bot, please enter the answer into the following box below based on the instructions contained in the graphic.