ରାଜଧାନୀରେ ନାବାଳିକାଙ୍କୁ ଗଣବଳାତ୍କାର

Minor Rape case in Capital
Reading Time: < 1 minute

ଏଭଳି ଏକ ସମ୍ବେଦନଶୀଳ ଘଟଣା ନେଇ କମିସନରେଟ ପୁଲିସ ତତ୍ପର ହୋଇ ଉଠିଛି। ସହିଦନଗର ଥାନା ଅଧୀନ ଶାନ୍ତିପଲ୍ଲୀ ବସ୍ତିରେ ଜଣେ ନାବାଳିକାଙ୍କୁ ଗଣ ବଳାତ୍କାର କରାଯାଇଥିବା ନେଇ ଅଭିଯୋଗ ହୋଇଛି।

ନାବାଳିକାଙ୍କ ପରିବାର ଲୋକଙ୍କ ଅଭିଯୋଗକ୍ରମେ ପୁଲିସ ଏହି ଘଟଣାରେ ସମ୍ପୃକ୍ତ ଥିବା ଦୁଇ ଜଣ ନାବାଳକଙ୍କୁ ଅଟକ ରଖି ପଚରାଉଚରା କରୁଛି। ବୁଧବାର ପୂର୍ବାହ୍ନରେ ବସ୍ତିରେ ରହୁଥିବା ନାବାଳିକା ଜଣଙ୍କ ତାଙ୍କ ଗାଧୁଆ ଘରେ ଥିବା ବେଳେ ଉକ୍ତ ବସ୍ତିର ଆଉ ଦୁଇ ଜଣ ନାବାଳକ ନାବାଳିକାଙ୍କୁ ସେଠାରୁ ଭିଡ଼ି ନେଇ ବସ୍ତିରେ ଥିବା ଅନ୍ୟ ଏକ ଗାଧୁଆ ଘରେ ବଳାତ୍କାର କରିଥିଲେ।

ନାବାଳିକାଙ୍କୁ ସେମାନେ ଡରାଇ ଧମକାଇ ବଳାତ୍କାର କରିଥିଲେ। ପରେ ନାବାଳିକା ଜଣଙ୍କ କାନ୍ଦି କାନ୍ଦି ଘରକୁ ଫେରିଥିଲା।ପରିବାର ଲୋକେ ପଚରାଉଚରା କରିବା ପରେ ଘଟଣା ପଦାକୁ ଆସିଥିଲା। ନାବାଳିକାଙ୍କ ପରିବାର ଲୋକେ ଏନେଇ ଥାନାରେ ଅଭିଯୋଗ କରିଥିଲେ। ପୁଲିସ ଦୁଇ ନାବାଳକଙ୍କୁ ଆଣି ପଚରାଉଚରା କରୁଛି। ସେମାନଙ୍କୁ ଜୁଭେନାଇଲ୍‍ ଜଷ୍ଟିସ ବୋର୍ଡରେ ହାଜର କରାଯିବ ବୋଲି ଜଣେ ବରିଷ୍ଠ ପୁଲିସ ଅଧିକାରୀ ସୂଚନା ଦେଇଛନ୍ତି।

ସୂଚନାଯୋଗ୍ୟ, ଇନ୍‍ଫୋସିଟି ଥାନାରେ ଏକ ନାବାଳିକା ଗଣବଳାତ୍କାର ଏବଂ କଟକ ଚାଉଳିଆଗଞ୍ଜ ଥାନା ଅଧୀନ ଗତିରାଉତ ପାଟଣାର ଏକ କାଠଗୋଲାରେ ଜଣେ ନାବାଳିକାଙ୍କୁ ୨୨ ଦିନ ଧରି ଗଣବଳାତ୍କାର କରାଯାଇଥିଲା।

 

ପୁରୀ ଟ୍ରେନପୋଡି ଘଟଣା, ତାମିଲ୍‌ ଯୁବକଙ୍କୁ ୨୫ବର୍ଷ ଜେଲ୍

Recommended For You

About the Author: Utkal Odisha

Utkal Odisha brings the best of articles, news, and views in English and Odia.

Leave a Reply

Your email address will not be published. Required fields are marked *

Human Verification: In order to verify that you are a human and not a spam bot, please enter the answer into the following box below based on the instructions contained in the graphic.