Challenging duty of Anganwadi workers

କର୍ତ୍ତବ୍ୟ ପାଇଁ ବାଜି ଲାଗିଛି…

Anganwadi Workers
Reading Time: < 1 minute

କର୍ତ୍ତବ୍ୟ ପାଇଁ ବାଜି ଲାଗିଛି : ଜୀବନ ଅଣ୍ଟାରେ ଲାଉ ତୁମ୍ବ ବାନ୍ଧି ଭରା ନଈ ପାର ହେଉଛନ୍ତି ଦୁଇ ଅଙ୍ଗନଓ୍ୱାଡି କର୍ମୀ

ମାଲକାନଗିରି/ଚିତ୍ରକୋଣ୍ଡା : କର୍ତ୍ତବ୍ୟ ପାଇଁ ଜୀବନକୁ ବାଜିରେ ଲଗାଇ ଅଣ୍ଟାରେ ଲାଉ ତୁମ୍ବ ବାନ୍ଧି ଦୁଇ ଅଙ୍ଗନବାଡି କର୍ମୀ ଭରା ନଈ ପାର ହୋଇ ଅଙ୍ଗନବାଡି କେନ୍ଦ୍ରକୁ ଯାଉଛନ୍ତି।

ଟିକିଏ ଅସାବଧାନ ହେଲେ ଜୀବନ ଚାଲିଯିବାର ଭୟ ରହିଛି। ଏହାକୁ ଖାତିର ନ କରି ଦୁଇ ଅଙ୍ଗନବାଡି କର୍ମୀ ସେବା ଯୋଗାଇ ଆସୁଛନ୍ତି। ଏପରି ଚିତ୍ର ମାଲକାନଗିରି ଜିଲା ଚିତ୍ରକୋଣ୍ଡା ବ୍ଲକ ଅନ୍ତର୍ଗତ ରାଲେଗେଡା ପଞ୍ଚାୟତରେ ଦେଖିବାକୁ ମିଳିଛି।

ଉକ୍ତ ପଞ୍ଚାୟତ ଅଧୀନରେ ସୁଆପାଲ୍ଲି, ନେରୁଡିପାଲ୍ଲୀ, ସୁନାମଗୋଲ, କଞ୍ଚେରୁ, ପେଟା, ଧାଗୁପାଲ୍ଲୀ, ସିକପାନସୀ, ବାତେରୁ ବଳି ବହୁ ଗ୍ରାମ ରହିଛି। ଏହି ଗ୍ରାମଗୁଡିକ ପାଇଁ ସୁଆପାଲ୍ଲୀ ଓ ନେରୁଡିପାଲ୍ଲୀରେ ଦୁଇଟି ଅଙ୍ଗନବାଡି କେନ୍ଦ୍ର ରହିଛି। ଏହି ଅଙ୍ଗନବାଡି କେନ୍ଦ୍ରକୁ ଯିବାକୁ ହେଲେ ପାହାଡ଼, ପର୍ବତ, ଜଙ୍ଗଲ ସହ ନଦୀ ପାର ହେବାକୁ ପଡୁଛି। ଅନ୍ୟପଟେ ଏହି ଦୁଇ ଗାଁ ଆନ୍ଧ୍ର ପ୍ରଦେଶର ସୀମାନ୍ତକୁ ଲାଗି ରହିଛି।

ଉକ୍ତ ପଞ୍ଚାୟତର ଦୁଇ ଅଙ୍ଗନବାଡି କେନ୍ଦ୍ର ଦାୟିତ୍ୱରେ ଥିବା ହେମଲତା ଶିଶା ଓ ପ୍ରମିଳା ପେନେଲ ଅଙ୍ଗନବାଡି କର୍ମୀ ଭାବେ କାର୍ଯ୍ୟ କରୁଛନ୍ତି। ଉକ୍ତ କେନ୍ଦ୍ର ଦ୍ୱୟକୁ ଆସୁବାକୁ ହେଲେ ଜୀବନକୁ ବାଜି ଲଗାଇ ଭରା ନଈ ଭିତରେ ଚାଲି ଚାଲି ପାର ହେବାକୁ ପଡୁଛି। ଦୁଇ ଅଙ୍ଗନବାଡି କର୍ମୀ ନଈ ପାର ହୋଇ ଆସି ଛୋଟ ପିଲାଙ୍କ ସହ ଗର୍ଭବତୀଙ୍କୁ ସେବା କରୁଛନ୍ତି। ଦୁଇ ଅଙ୍ଗନବାଡି କର୍ମୀଙ୍କ ଗ୍ରାମ ସାରୁକୁବନ୍ଧରେ ହୋଇଥିବା ବେଳେ ସେମାନେ ପ୍ରଥମେ ସାରୁକୁ ବନ୍ଧଠାରୁ ବହୁ ଦୂର ଚାଲି ଚାଲି ଆସିଥାନ୍ତି।

ପରେ ସୁଆପାଲ୍ଲି ନଈ ପାଖରେ ଆସିଥାନ୍ତି। ନଈ ପାର ହେବା ପାଇଁ କୌଣସି ଡଙ୍ଗା ସୁବିଧା ନାହିଁ। ସେମାନେ ନିଜ ଅଣ୍ଟାରେ ଲାଉ ତୁମ୍ବ ବାନ୍ଧି ଗ୍ରାମବାସୀଙ୍କ ସହଯୋଗରେ ପ୍ରଖର ସ୍ରୋତ ଭିତରେ ପସି ନଈ ପାର ହୋଇ କେନ୍ଦ୍ରକୁ ଆସିଥାନ୍ତି। ପ୍ରତିବର୍ଷ ପରି ଚଳିତ ବର୍ଷ ମଧ୍ୟ ବର୍ଷା ଋତୁରେ ଲୋକଙ୍କ ପାଖରେ ପହଞ୍ଚି ସେମାନେ ସେବା ଯୋଗାଉଛନ୍ତି। ଚାରିଗୁଣ କଷ୍ଟ ସହ୍ୟ କରି ଦୁର୍ଗମ ଅଞ୍ଚଳରେ ନିଜର କର୍ତ୍ତବ୍ୟ ସୂଚାରୁ ରୂପେ ପାଳନ କରୁଛନ୍ତି।

 

ସୋନଭଦ୍ରାର ସୁନା ପାହାଡ଼: ଗୁଜବ ନା ସତ୍ୟ ?

Recommended For You

About the Author: Utkal Odisha

Utkal Odisha brings the best of analysis, articles, data, information, insights, news, opinions, stories and views in English and in Odia language.
0 0 votes
Article Rating
Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x